a note written in Jan 2017

一個國際城市，地產舖比書店多，海味舖比書店多，米蘭站比書店多，藥房比書店多，金行比書店多。PageOne執笠，誠品係百貨公司。書店門口俾閃閃書同抄股票佔領，補充練習佔地係文史哲英既三倍。喺地鐵同巴士度，冇好似日本／外國人咁睇書。你就知呢個城市同文化無緣。

以上只係偏見，只係偏見，只係偏見。見樹不見林。

今日香港，degree holders超過一百萬，遠超過三四十年前，點解有所謂冇人睇字睇書呢個講法？七八十年之交，大學學位少，但亦正值出版閱讀既黃金時代。同一個年代，電視電影音樂正值影視黃金時代，吸引到大學生入行。乜解？今日呢？

二十年前開始，電視人話冇人睇電視因為電影卡拉ok搶左生意，電影人話冇人睇戲因為盜版，唱片公司話冇人聽歌都係因為盜版。廿年前，租帶租碟舖執晒。十年黎，執左幾多間卡拉ok？點解？教育水平高左咁多，點解又少左人睇書？幾間大學既libraries都有fiction corner。我唔見多人留連。咁係咪代表少左人睇書？

聽歌免費，娛樂免費（唔將閱讀當係娛樂證明你唔適宜加入討論）。點解重要俾錢買書？睇演唱會一千蚊張飛必爆，王迪詩一本書幾錢？至於，點為止賣得呢？喺美國，一個星期賣到5,000本，就叫bestseller(Times top-15 list)。美國三億人口，5,000本就得。印度12億人口，都係10,000本。比例黎講，喺香港賣到200本，已經可以係bestseller。賣到5,000，比得上The Da Vinci Code同Harry Porter Potter。統計上係咁講啦。

香港讀者少呢個話題，永遠都講唔完。書／讀書／讀者，係霸權，讀書人既霸權。乾隆翻生，都會問點解冇人考科舉。xx x x

可口露